کراچی کہانی

 

مجھے آج مت مارو

 گھر جانے دو

میری بیوی نے میری قلیل تنخواہ سے پیسے بچا کر افطار بنائی ہو گی

مجھے آج مت مارو

 گھر جانے دو

میری ماں دروازے پہ کھڑی

 میری راہ دیکھتی ہوگی

مجھے آج مت مارو

 گھر جانے دو

میرا بیٹا

ابھی چھوٹا ہے ناں

 روزہ رکھ تو نہیں سکتا ناں

 لیکن میرے بغیر افطار کرتا بھی تو نہیں ناں

مجھے آج مت مارو

 گھر جانے دو

یہ پلاسٹک کی گڑیا دیکھتے ہو؟

 میری بیٹی اس کی منتظر ہے

کہ اس گڑیا کی اسے مہندی رچانی ہے

....

.......

یہ اردو بولتی گڑیا

 پٹھانوں میں بیاہنی ہے