Wednesday 8 January 2014

آؤ کھیلیں کافر کافر



یہ کیا واہیات پوسٹ لگائی ہے؟

 منڈیلا نہیں تمھارا باپ مرا ہو جیسے

او بھائی اسلام کیا کہتا ہے کسی عیسائی کی موت کے بارے میں؟ پتہ بھی ہے؟

عیسائی یا یہودی کے مرنے پہ افسوس نہیں کیا جاتا آئی سمجھ

نیلسن منڈیلا ایک کافر تھا

کافر

۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
 
تو کافر تو ہٹلر بھی تھا؟

تو کیا ہوا؟

اس نے دنیا سے فتنے کو ختم کرنے کی کوشش کی

یہودیوں کو تاخت و تاراج کر دیا

وہ کہتا تھا

میں جنھیں مار رہا ہوں، میرے جانے کے بعد دنیا جانے گی کہ میں ان کو کیوں مار رہا ہوں

صحیح بندہ تھا!



Wednesday 16 October 2013

پتہ تو چلے قربانی کی ہے

اوئے ملو بھائی کی گائیں گر رہی ہے

ابے وہ ایک چالیس والی

ہاں دادا خرانٹ والی

آجا کٹتے ہوئے دیکھتے ہیں مزہ آئے گا

چلو چلو

........

اوئے اوئے اوئے اوئے

دم پکڑ باوا دم

جانی دادا ... مورا پکڑ لے

 سالی کہیں نہیں جائے گی

ابے پٹک پٹک

 الاڈھی .....

 سارے پیٹ پہ بیٹھو

ٹانگ باندھ صحیح سے

ملو بھائی کہیں نہیں جائے گی

 ٹانگ پہ فل کھڑا ہوگیا ہے آپ کا بھائی

سلمان تو کیوں گردن کے پاس کھڑا ہے؟

ملو بھائی گردن کٹے گی تو ڈائیرکٹ خون آئے گا نہ قمیض پہ

.......

 پتہ تو چلے قربانی کی ہے دادا

 

 

Monday 30 September 2013

ٹوٹی ہڈیاں ۔۔ اور خدا



کیا چار گواہان ہیں؟

ہے تو ایک بھی نہیں

پھر تو زنا ثابت ہونا مشکل ہے

مگر مولوی صاحب

ہاں میاں
جس عورت کے ساتھ یہ واقعہ ہوا ہے، اسے چار گواہ پیش کرنے ہی ہوں گے
یہ بھی لازم ہے کہ انھوں نے زنا ہوتے ہوئے ایسے دیکھا ہو جیسے سوئی میں دھاگہ جاتا ہے
ویسے کیا عمر ہے عورت کی

۔۔۔۔۔۔۔۔۔۔۔۔۔۔۔

۔۔۔۔۔۔

۔۔۔

آٹھ ماہ ۔۔۔

کیا؟

ہاں، جس کیساتھ زیادتی ہوئی ہے، اس کی عمر ہے

آٹھ ماں

اس کیساتھ ہونے والی زیادتی کا گواہ
یا تو خدا ہے
یا اس کی ٹوٹی ہڈیاں ۔۔
آٹھ ماہ

Saturday 14 September 2013

تاریخ پہ تاریخ ۔۔ تاریخ پہ تاریخ



(اعلان ہوا)

بی بی خورشیداں حاضر ہوں

 

کیا مسئلہ ہے؟

زیادتی کا مسئلہ ہے جج صاحب

بندہ ایک تھا؟

پانچ تھے جج صاحب

 

(پھر اعلان ہوا)

بی بی خورشیداں حاضر ہوں

 

صرف زیادتی ہے؟

صاحب مار پیٹ بھی ہے

کتنے دن تک؟

صاحب تین دن زیادتی کی گئی

 

(پھر اعلان ہوا)

بی بی خورشیداں حاضر ہوں

 

اوہ بابا کدھر ہے بی بی

تاریخ آج کی ہی ہے ناں

(اعلان کرنے والا اندر آتا ہے)

صاحب بی بی نہیں آئی

کیوں؟ اس کا نمبر تو آگیا ہے

۔۔۔۔۔

جج صاحب نمبر تو آگیا

 لیکن

۔۔۔۔۔۔۔۔۔

۔۔۔۔۔

۔۔

 بی بی کے مرنے کے آٹھ سال بعد

 

Thursday 12 September 2013

بریکنگ ۔۔۔ نیوز

آپ کو ایک اہم خبر دیں کہ لاہور میں نامعلوم افراد پانچ سالہ بچی کیساتھ زیادتی کرکے اسے گنگا رام اسپتال کے باہر پھینک کے فرار ہوگئے ہیں

مجھے یہ خبر پڑھتے ہوئے

اپنی پانچ سالہ کزن یاد آتی رہی

اس بچی کی جگہ

میرا بچہ ہوتی

میرے ماموں

 یوں ہی دیوار کے سہارے ٹکے آسمان تک رہے ہوتے

میری ممانی

 یوں ہی غش کھا کہ زمین پہ گری ہوتیں

اور میں باقی کزنز کے ہمراہ کبھی اس تھانے تو کبھی اس تھانے

خیر

بریکنگ ختم ہوئی

اس حوالے سے آپ کو آگاہ کرتے رہے ہیں

دیکھتے رہیئے جیو نیوز



Thursday 5 September 2013

وطن کی مٹی، گواہ رہنا

ابا جی آج کون سا دن ہے

بیٹے چھہ ستمبر ہے، یوم دفاع

کیا ہوا تھا اس دن؟

بیٹے بھارت نے رات اندھیرے میں حملہ کیا تھا

او فوج تو فوج، پورا لاہور کھڑا ہوگیا تھاتیرے دادے کے ساتھ ڈنڈا لے کہ تو نکل پڑا تھا لڑنے، بی آر بی پہ

تو ابا مجھے بی آر بی لے جائیں

اس ٹوٹی پھوٹی قبر پہ کیوں لے آئےادھر تو جالے کتنے لگے ہیںکچرا بھی

 ٹوٹی سگریٹ بھی


او بیٹا

 یہ گندی جگہ نہیں

مزار ہے

پینسٹھ کے ہیرو کا

چھمب جوڑیاں کے ہیرو کا

میجر سرور شہید کا

 

Wednesday 4 September 2013

کراچی کہانی

 
مجھے آج مت مارو
 گھر جانے دو

میری بیوی نے میری قلیل تنخواہ سے پیسے بچا کر افطار بنائی ہو گی

مجھے آج مت مارو
 گھر جانے دو

میری ماں دروازے پہ کھڑی
 میری راہ دیکھتی ہوگی

مجھے آج مت مارو
 گھر جانے دو

میرا بیٹا
ابھی چھوٹا ہے ناں
 روزہ رکھ تو نہیں سکتا ناں
 لیکن میرے بغیر افطار کرتا بھی تو نہیں ناں

مجھے آج مت مارو
 گھر جانے دو

یہ پلاسٹک کی گڑیا دیکھتے ہو؟
 میری بیٹی اس کی منتظر ہے
کہ اس گڑیا کی اسے مہندی رچانی ہے
....
.......

یہ اردو بولتی گڑیا
 پٹھانوں میں بیاہنی ہے