نوحہ پکا قلعہ

پاسبانِ ظُلمَت کے ہاتھوں اگر

اپنے سب گُم گَشتہ ساتھیوں کی طرح

گر میں مارا بھی جاؤں کہیں نہ کہیں

اشک گریہ سے پلکیں بھگونا نہیں

ماں

تو رونا نہیں

یہ تقاضہ خونِ مُہاجِر ہے ماں

جسم تحفہ میں دینے کو دوں کرچیاں

کب تلک تشنہ لب پابند ضمیر قفس زدہ جاں

کب تلک میری مٹی پہ راج کریں

یہ کالی یہ پیلی یہ نیلی ۔۔ یہ ہری وردیاں

ایسے حالات میں

ظُلم کی رات میں

مجھ کو روکو نہ ماں

گر ہِجرت ہے کی تو رونا نہیں

اشک گریہ سے پلکیں بھگونا نہیں

اے ماں

تو رونا نہیں

مہربان ۔۔ قدردان ۔۔ پرانی غلامی ۔۔ نیا پاکستان

ابھی سر سید خواب میں آئے

بولے

چینی وزیر اعظم کی تقریر سنی؟

چینی زبان میں تھی

 لگتا ہے بے چارے کو انگریزی نہیں آتی

ہاؤ ڈاؤن مارکیٹ!

اتنے بڑے ملک کا وزیر اعظم

اتنا جاہل

اور تو اور اسے اپنی زبان بولتے ہوئے احساس کمتری بھی نہ ہوا

لیکن ایک بات سمجھ نہیں آئی

یہ لوگ انگریزی کے بغیر ترقی کیسے کر رہے ہیں

کیونکہ انگریزی کے بغیر ترقی ممکن نہیں

انگریزی نہیں بولوگے

تو انگریزوں کی غلامی سے نجات کیسے ملی گی؟

گورے انگریزوں سے نجات

تاکہ ساٹھ سال بعد بھی

انگریز کی غلامی کرسکو

کالے انگریز کی

بھگوان کے لیئے ۔۔ مجھے چھوڑ دو

اس کی للچائی نظریں مجھے دیکھ رہی تھیں

گز بھر لٹکی لمبی زبان سے شہوت کی رال ٹپک رہی تھی

نتھنوں سے پھن پھن تنفس کی پھنکار نکل رہی تھی۔

ایک اور سامنے آگیا

اتنا ہی خونخوار

آنکھوں میں وہ ہی حرص۔

نوکیلے دانت میرے وجود کو چیرنے کے لیئے تیار۔

دونوں مجھے اپنے اپنے طریقے سے استعمال کرنا چاہتے تھے۔

پہلا میرے وجود کو رگڑ کر اپنے مطابق بنانا چاہتا تھا

دوسرا چاہتا تھا کہ میرے سراپہ کو کچل کر اپنا مطلب پورا کرے

ہاں

دونوں سیاسی جماعتوں کے کارکن کہہ رہے تھے

بریکنگ ہمارے مطلب کی چلائیں، ورنہ

چھوٹا بڑا نصیب کا .... ووٹ صرف تیر کا ؟

ویسے تو پانچ سال میں کافی مسائل آئے

چھوٹے بھی

بڑے بھی

جو بھی آئے، نصیب کے ہی آئے

کچھ تو لائے گئے

یعنی بجلی ہو نا ہو، بل ضرور آیا، اب یہ نصیب کی بات ہے کہ چھوٹا یا بڑا

موٹر میں پانی تو نہیں البتہ زمینوں پہ سیلاب ضرور آئے

ارے امداد بھی تو آئی، کسی کے حصہ میں چھوٹی تو کسی کے حصہ میں یہ بڑی بڑی

تو بھائی سب نے لی

امداد

اور ہمیں دیئے

مسائل

بڑے بھی چھوٹے بھی

بنا ہے کس خمیر کا؟

فیصلہ ہے ضمیر کا

اب بھی ووٹ تیر کا؟

تھو۔ ڑے ۔ جوان

تو میں ووٹ کس کو دوں؟

 

روٹی کپڑا مکان ملا نہیں

شیر کو ٹھپا لگادوں؟

 پتہ چلا کل انتخابی مہم میں لایا گیا شیر، گرمی سے مر گیا

مرتے وقت بیان دیا کہ پتنگ کی ڈور گلے پہ پھرنے سے موت ہوئی

 پتنگ پہ الزام لگتے رہتے ہیں

نئے پاکستان کو ووٹ دوں؟

فتویٰ آگیا ،یہ یہودی سپورٹ سے چل رہے ہیں

یو الیومینیٹائی

مذہبی جماعتوں کو ووٹ دوں؟

ان کا نعرہ ہے گو امریکا گو

ووٹ ڈالنے امریکا جاؤں؟

پر

پاسپورٹ نہیں

یعنی ووٹ دے سکتا نہیں

ایسے میں آواز آئی

 مبارک ہو

(سوناکشی مان گئی ۔۔ سپریم ٹیسٹی ہی نہیں ہیلدی بھی ہے)

J

 

میں زمین پہ سوتا ہوں

میں زمین پہ سوتا ہوں

 تم سے شادی ہوئی تو تمھیں بھی زمین پہ ہی سلاؤں گا 

میں نہیں کروں گی تم سے شادی

سوچ لو

کیا سوچ لوں؟ یہ کہ زمین پہ سلاؤگے؟

نہیں ۔ یہ کہ مجھ سے شادی نہیں کروگی تو پچھتاؤگی

محبت کرتی ہوں، اس کا مطلب یہ نہیں کہ جیسے چاہو مجھے رکھو گے

لیکن تم نے تو وعدہ کیا تھا, جیسے بھی حالات ہوں رہ لوگی

نہیں آج فیصلہ کرلو ۔۔ مجھ  شادی کرنے کا ۔۔ یا زمین پہ سونے کا

وہ دن ہے اور آج کا دن ۔۔۔۔۔۔

میں زمین پہ سوتا ہوں