Monday, 22 July 2013

دلی کا لال قلعہ

تیار ہو

 دلی کا لال قلعہ فتح کرنے کے لیئے

ہاں

 تمام اوزار تیز کرلیئے ہیں،بس چڑھائی کر دو

یار ویسے تم نے اُس کوٹھے کا نام دلی خوب رکھا ہے
اور لڑکی کا نام لال قلعہ رکھنے کا خیال کیسے آیا؟

بھائی کل ہی سنا

 مجاہدِ افغانستان صاحب، اتوار کی شام یا تو فوجیوں سے ملتے ہیں یا پھر نوجوان لڑکیوں سے، اس لیئے یہ کوڈ ورڈز رکھ چھوڑے

تم بہتان لگا رہے ہو، خود اپنی آنکھوں سے دیکھا؟

ذاتی سیکرٹری صاحب کے انکشاف ہیں بھائی، ذاتی

 چلو وقت ہوگیا
 دلی کے لال قلعہ پہ جھنڈا نہیں لہرانا کیا؟


(نوٹ: یہ بلاگ، زید حامد کے سابق سیکرٹری کے اس انکشاف کے بعد، کہ موصوف اتوار کی شام یا تو فوجی افسران سے ملتے ہیں ۔۔ یا پھر نوجوان خواتین سے)



Saturday, 20 July 2013

مسلمان عوام کا یہودی میڈیا

شور اٹھا

لڑکے والے آگئے

لڑکیاں پھول کا تھال لیکر استقبالیہ پہنچیں، آنٹیاں بھی ساتھ تھیں ۔۔۔

ایک نے کہا
پروین کی بھاوج کو دیکھو ذرا، انڈیا سے بنارسی ساڑھی منگوا کہ اتنا اترا رہی ہے

 اتنے میں آواز آئی ۔۔ ارے وہ گانا چلا دو ڈھولک کے دیوانے ۔۔

ادھر لڑکی کا چھوٹا بھائی اپنے دوست سے کہہ رہا تھا، دیکھ بالکل گجنی والا اسٹائل ہے ناں؟

سامنے لڑکے والی لڑکیاں، ہاتھوں میں ؛آگ؛ کی تھالیاں تھامیں ؛ساجن جی گھر آئے؛ گاتی آرہی تھیں

پیچھے دو انکل بحث کر رہے تھے، ؛وہ چینل دیکھا؟ بھارتی گانے چلاتا ہے کمبخت


Friday, 19 July 2013

بلال جامعی، تم نے دھوکا دے دیا یار

کیسے ہو لڑکے


میں ٹھیک فیصل بھائی، آپ کیسے ہیں؟

میں بھی ٹھیک ہوں، تم کدھر غائب ہو

بس فیصل بھائی، آپ انگریزی میں ماسٹرز کررہے ہیں، مجھے انگریزی سکھادیں تاکہ یوتھ
 پارلیمنٹ میں جا کر ہم بھی  کٹر مٹر کرلیں

ایسے نہیں سکھا رہا، کھانا کھلاو کھانا

یار آپ جب کہیں، بلکہ تھوڑا صبر کرجائیں، بس آخری سیشن ہے۔ پھر واپسی پہ ٹریٹ پکی

آخری کیوں بھائی، اتنی جلدی دنیا سے ناراضی اچھی نہیں میرے دوست

ارے فیصل بھائی ہماری اسمبلی کا آخری سیشن ہے پھر ہم فارغ التحصیل، پھر ٹریٹ پکی

......

..................

بلال بیٹا آجانا واپس، دھوکا نہ دینا۔۔۔





نوٹ: بلال جامعی، اٹھائیس جولائی سن دو ہزار دس کو ایئر بلو حادثہ میں راہی ملک عدم ہوگیا تھا، ایک بہترین انسان، زبردست نوجوان یوتھ پارلیمنٹیرئین ۔۔۔ اور ٹریٹ کا وعدہ کرکے دغا دے جانا والا دوست ۔۔۔۔

Tuesday, 9 July 2013

ایک دن _____ کیساتھ

یار وہ نان لینیئر ایڈیٹر نے چینل چھوڑ دیا کیا؟

چینل اور دنیا دونوں

ارے کب کیسے؟

بیوی کا انتقال ہوگیا

کیسے؟

دوران زچگی انتقال کرگئی

پوری بات بتاؤ یار

تین مہینے سے تنخواہ نہیں آئی تھی، روزانہ باس کے کمرے کے چکر لگاتا، ذلیل ہوتا

پھر؟

پھر ایک دن ضبط ٹوٹا، باس کے کمرے میں گھس کر بہت منت سماجت کی

پھر، کیا کہا باس نے

باس نے کہا کہ ۔۔۔ بیوی کو ایک دن کے لیئے
..
...
.....
........

اس کے بعد نہ ہی اس نے پیسے مانگے، نہ دفتر میں نظر آیا

کل اس کی خود کشی کی خبر آئی

Sunday, 30 June 2013

بول رادھا بول


میں دفتر پہنچا

سب بول رہے تھے

کوئی کچھ بول رہا تھا
کوئی کچھ بول رہا تھا

کوئی ایسے تو کوئی ویسے بول رہا تھا

سینیئر پی، پی، اے پی، این ایل ای، این ایل یوں کے ایم ڈی
سب کے سب بول رہے تھے

میں نے ایک سے پوچھا
بھائی یہ سب کیا بول رہے ہیں
اس نے جواب دیا

استاد بیوقوف نہیں بناؤ
تمھیں پتہ ہے کہ سب کیا بول رہے ہیں اور بہت جلد تم بھی بول دو گے

میں ہنسا

مسکرایا

شرمایا

اور یہ سب کرنے کے بعد میں بول ہی پڑا
۔۔۔۔
۔۔۔۔۔۔۔۔۔
۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔
میں بےتکا نہیں بولتا

Sunday, 23 June 2013

آوئچ ۔۔۔ کاسٹنگ کاوئچ

جی کتنا تجربہ ہے

سر زیادہ نہیں

اخبار پڑھتی ہیں؟

سر وقت نہیں ملتا

نیور مائینڈ، اردو کیسی ہے

بس سر پڑھ لیتی ہوں

یار یہ سر سر کیا ہے؟ میرا نام ہے نام لو

جی

دیکھو یہ تلفظ اخبار پڑھنا، یہ تو دوسرے اینکر بھی کرتے ہیں، تم میں ایسا کیا مختلف ہے کہ تمھیں ہائر کیا جائے

سمجھی نہیں

ارے بابا، ایکس فیکٹر ہونا چاہیئے ایکس ایکس ۔۔۔ ایکس سمجھتی ہو؟

جی، سمجھتی تو نہیں، آپ سمجھائیں گے تو سمجھ لوں گی

آں ۔۔ کافی سمجھ دار ہو، تو کل آجاو، سمجھا بھی دوں گا، اور ہائر بھی
  

دوست

پہلی بار دیکھا
پہچان نہیں سکا
ذہن پہ پڑے جالوں کو صاف کیا
کھوپڑی کو اچھی طرح چھانا پھٹکا
پھر یاد آیا
یونیورسٹی میں میری سینیئر تھی
پہلی ملاقات رکھی
کچھ میں نے اپنی سنائی
کچھ اس نے اپنی
پھر کہنے لگی، ہم ایک دوسرے کو سمجھا رہے ہیں
سب کچھ تو ٹھیک تھا
پتہ نہیں اچانک کیا ہوگیا
اس نے بات کرنا چھوڑ دی
ارے نہیں بات تو اب بھی ہوتی ہے
لیکن سلام دعا بھی کوئی بات ہوتی ہے؟
اُس دن ہم ایک دوسرے کو سمجھا رہے تھے
۔۔۔۔۔۔۔

آج شاید
۔۔۔۔۔۔ ہمیں ایک دوسرے کو سمجھنے کی ضرورت ہے