Monday, 2 September 2013

گند

چلیں دعوت کو دیر ہورہی ہے

ارے کیا خاک چلیں

پھر نیپی خراب کردی

ابھی صاف کی تھی، پھر؟

اب کھڑی کیوں ہو بلاو ماسی کو، صاف کرواو

عذاب ہے عذاب
 الگ سے دلیہ بناو، منہ کر کے کھلاو، رال صاف کرو، گود میں اٹھاو، ٹوائلٹ لے جاو، دھلواو

 یہ سب کم ہے جو یہ نیپی کا عذاب سر آگیا ہے

بیٹا بہو کہتے جارہے تھے

۔۔۔

۔۔۔۔۔۔۔

۔۔۔۔۔۔۔۔۔۔۔

 فالج زدہ ماں چپ چاپ سن رہی تھی

 ذہن کے کسی غیر فالج زدہ حصہ میں سوچتے ہوئے

 کہ دلیہ بنانے سے لیکر رال صاف کرنا، اتنا بھی کٹھن نہیں

۔۔۔۔۔۔۔

۔۔۔۔۔

۔۔۔
 وہ کرچکی ہے شاید




Friday, 30 August 2013

ارینج میرج

وہ کمرے میں آیا

دروازہ بند کیا

کپڑے کھونٹی پہ ٹانگ دیئے

میرے کپڑے میرے تن کو پہلے ہی چھوڑ چکے تھے

ویسے ہی جیسے زلزلے سے قبل پرندے مسکن چھوڑ جاتے ہیں

اور پھر زلزلہ آنا شروع ہوگیا

زلزلہ جس نے میرے وجود کو ہلا دیا

میری اٹھان کو ڈھا دیا

میری ڈھلان کو زمیں بوس کردیا

اسے میری رضامندی کی ضرورت نہیں تھی
ہاں نکاح کے بعد مرد کو رضامندی کی ضروت نہیں رہتی
ضرورت رہتی ہے تو صرف

بیوی کے نام پہ گوشت پوست کے اس جسم کی

جس کا وہ مجازی خدا ہے

مجازی
یا مزاجی


Tuesday, 20 August 2013

میڈیا کی مسلمانی

ویسے ہی بخار نے توڑ ڈالا تھا

 کہ  ایک بھائی نے مجھے رات وہ ٹوٹ ٹوٹ کے سنائیں کہ بس

ابے ایجنٹ

تیرا وقت قریب آگیا

 میڈیا مسلمان ہوگیا

اب میں شش و پنج میں کہ میڈیا کی مسلمانی آخر ہو کہاں رہی ہے

بھائی نے بتایا کہ کسی چینل نے بھارتی مواد کو بلاک کردیا ہے

 اوہو

پہلے حب الوطنی کا موازنہ
 اب مسلمانی کا پیمانہ
 پڑوسیوں پہ 'نربھر' ہے

ویسے یہ جو 'جنسی' ری-انیکمنٹس بنتے ہیں
 انھیں مسلمانی کی سند کہاں سے ملتی ہے؟

 اور وہ جو ایف ایم پہ ۔۔ گانے؟

زیادہ ہوجائے گا ناں

;)


Monday, 5 August 2013

شب قدر کی رات ۔۔ اِن سے معافی مانگیں

فیصل بھائی آج کی رات مجھے معاف کردیں

پیغام پڑھ کر موبائل کونے میں رکھا

 ہیڈ لائینز کیلیئے تیار ہوا

 ہیڈ لائینز شروع ہوئیں

اور ہر ہیڈ لائین کے بعد
 دل کے نقار خانہ میں طوطی کی طرح چلاتا رہا یہ جملہ
۔۔۔۔
۔۔۔۔۔۔
۔۔۔۔۔۔۔۔۔۔
 مانگنی ہے تو ان سے مانگیں

پہلی ہیڈلائین
زہر خوارنی سے خاتون اور اس کی چار بیٹیاں جاں بحق

دوسری
زیمندار کے بیٹےکی ساتھیوں سمیت محنت کش لڑکی سے اجتماعی زیادتی



اور تیسری
نالے میں گری گاڑی سے خاتون اور اس کے کمسن بچے کی لاش برآمد



اے قومِ پاکستان

معافی مانگنی ہے  تو ان سے مانگیں



Wednesday, 24 July 2013

تیری میری سب کی شان ۔۔ فردوس کی لان

تم نے اپنی فردوس کی لان استری کرلی؟

امی وولٹیج نہیں

 بھیا گیا ہے پڑوسی آنٹی کی فلپس کی استری سے کرانے

کمبخت، یہاں نہیں آرہا،پڑوس میں خاک آئے گا؟

نکمے کو روڈ پرنس کی بائیک کس دن کلیئے دی ہے؟ ڈرائی کلینر سے کرالاتا

پنکچر ہے

تو پینتھر ٹائرز کے گفٹ ہیمپر میں پیمپر نکلے ہیں ٹائر کی جگہ؟
چینگ ہانگ روبا کی چنچی میں جانے میں موت آتی ہے؟
کیو موبائل پہ بات کروالو ،درانی ایسوسئیٹ کے آم ٹھسوالو ان سے

دل چاہتا ہے حرامخور آم جیسی شکل پہ چماٹ مار کہ پوچھوں
کیسا دیا؟
...
پورشیا کہیں کا


Monday, 22 July 2013

دلی کا لال قلعہ

تیار ہو

 دلی کا لال قلعہ فتح کرنے کے لیئے

ہاں

 تمام اوزار تیز کرلیئے ہیں،بس چڑھائی کر دو

یار ویسے تم نے اُس کوٹھے کا نام دلی خوب رکھا ہے
اور لڑکی کا نام لال قلعہ رکھنے کا خیال کیسے آیا؟

بھائی کل ہی سنا

 مجاہدِ افغانستان صاحب، اتوار کی شام یا تو فوجیوں سے ملتے ہیں یا پھر نوجوان لڑکیوں سے، اس لیئے یہ کوڈ ورڈز رکھ چھوڑے

تم بہتان لگا رہے ہو، خود اپنی آنکھوں سے دیکھا؟

ذاتی سیکرٹری صاحب کے انکشاف ہیں بھائی، ذاتی

 چلو وقت ہوگیا
 دلی کے لال قلعہ پہ جھنڈا نہیں لہرانا کیا؟


(نوٹ: یہ بلاگ، زید حامد کے سابق سیکرٹری کے اس انکشاف کے بعد، کہ موصوف اتوار کی شام یا تو فوجی افسران سے ملتے ہیں ۔۔ یا پھر نوجوان خواتین سے)



Saturday, 20 July 2013

مسلمان عوام کا یہودی میڈیا

شور اٹھا

لڑکے والے آگئے

لڑکیاں پھول کا تھال لیکر استقبالیہ پہنچیں، آنٹیاں بھی ساتھ تھیں ۔۔۔

ایک نے کہا
پروین کی بھاوج کو دیکھو ذرا، انڈیا سے بنارسی ساڑھی منگوا کہ اتنا اترا رہی ہے

 اتنے میں آواز آئی ۔۔ ارے وہ گانا چلا دو ڈھولک کے دیوانے ۔۔

ادھر لڑکی کا چھوٹا بھائی اپنے دوست سے کہہ رہا تھا، دیکھ بالکل گجنی والا اسٹائل ہے ناں؟

سامنے لڑکے والی لڑکیاں، ہاتھوں میں ؛آگ؛ کی تھالیاں تھامیں ؛ساجن جی گھر آئے؛ گاتی آرہی تھیں

پیچھے دو انکل بحث کر رہے تھے، ؛وہ چینل دیکھا؟ بھارتی گانے چلاتا ہے کمبخت